Velkomin á
heimasíðu Íslenska Suzukisambandsins
Íslenska Suzukisambandið er félag kennara og fjölskyldna barna sem stunda hljóðfæranám eftir móðurmálsaðferð Dr. Shinichi Suzuki. Allir áhugamenn um kennsluaðferðina eru velkomnir í sambandið. Félagsgjöld 4.000,- kr. á fjölskyldu eru innheimt árlega, annað hvort með skólagjöldum eða með greiðsluseðli.
Afmælistónleikar Íslenska Suzukisambandsins - skráning
Afmælistónleikar Íslenska Suzukisambandsins verða haldnir sunnudaginn 31.janúar 2027. Sameiginlegar æfingar verða haldnar laugardaginn 30.janúar. Kostnaður fyrir þátttöku á tónleikunum er kr. 5.000 per barn. Reikningur verður sendur í heimabanka. Tónleikarnir fara fram í formi hópatriða og er lagalisti fyrir tónleikana aðgengilegur á heimasíðu Suzukisambandsins, suzukisamband.is.
Þátttaka í tónleikunum er aðeins í boði fyrir þá sem greitt hafa félagsgjöld í Suzukisambandið skólaárið 2026-2027 sem eru innheimt í gegn um heimabanka. Athugið að nokkrir skólar greiða árgjaldið fyrir sína nemendur, það eru Tónlistarskólar Akureyrar, Hafnarfjarðar og Garðabæjar.
Suzukiaðferðin
Upphafsmaður aðferðarinnar var japanski fiðlukennarinn Shinichi Suzuki sem fæddist árið 1898 og lést 1998.
Fregnir af frábærum árangri hans við fiðlukennslu bárust fyrst til Bandaríkjanna um 1960. Suzukikennsla hófst fyrir alvöru á Íslandi um og upp úr 1980. Suzukiaðferðin byggir á þeirri grunnhugmynd að öll börn geti lært tónlist, rétt eins og þau geta öll lært móðurmál sitt. Það sem til þarf er tónlist í umhverfinu, góður kennari og virk þátttaka og uppörvun foreldra.
Helstu einkenni aðferðarinnar eru:
– Börnin geta byrjað ung eða um þriggja til fimm ára.
– Börnin læra eftir eyra með stöðugri hlustun á námsefnið
– Nótnalestur bætist við síðar
– Foreldrar fylgja með í alla tíma og æfa með börnunum heima
– Námið felst bæði í einkatímum og hóptímum
– Upprifjun er snar þáttur í náminu
– Ýmislegt fleira má nefna, t.d. jákvætt hugarfar og hvatning, börnin
eru látin koma fram á tónleikum mjög snemma, foreldrafræðsla í
byrjun, einbeiting að einu atriði í einu, leikur og gamansemi,
herminám fremur en útskýringar.