Lög sambandsins

Lög íslenska Suzukisambandsins

Samþykkt á aðalfundi 7. júní 1987, með breytingum samþykktum á aðalfundum

29. október 1988, 31. maí 1990, 2. október 1993, 26. nóvember 1994,

15. febrúar 1997, 7. desember 1998, 23. mars 1999 og 6.október 2010.

Tilgangur þess er að stuðla að útbreiðslu og viðgangi aðferðar Shinichi Suzuki í uppeldismálum á Íslandi.

Félagar í Íslenska Suzukisambandinu geta orðið:
i. Suzukikennarar með full kennsluréttindi (5. stig Evrópska Suzukisambandsins (ESA) eða sambærilegt).
ii. Suzukikennarar með kennsluréttindi á millistigi (3. eða 4. stig ESA eða sambærilegt).
iii. Suzukikennarar með 1. eða 2. stigs kennsluréttindi.
iiii. Aðrir tónlistarkennarar, Suzukinemendur og foreldrar ásamt áhugafólki um Suzukiaðferðina.

Tilgangi sínum hyggst sambandið ná fram með því að:
a. efna til tónleika og námskeiða fyrir Suzukinemendur.
b. skipuleggja námskeið fyrir Suzukikennara, er leiða til réttinda samkvæmt staðli Evrópska Suzukisambandsins.
c. taka þátt í viðburðum skipulögðum af Evrópusambandi og alheimssamtökum, sem fullgildir meðlimir.
d. vera upplýsingamiðill um Suzukiaðferðina í allri umfjöllun.
e. þjóna sem heildarsamtök Suzukikennara, nemenda og foreldra þeirra út á við jafnt sem inn á við.

Nafn félagsins er Íslenska Suzukisambandið (á ensku The Icelandic Suzuki Association).

3. grein

5. grein

2. grein

1. grein

4. grein

Stjórn sambandsins skal kjörin á aðalfundi og skal hún skipuð sjö mönnum. Fjórir skulu vera úr hópi Suzukikennara en þrír úr hópi Suzukiforeldra. Kjörtímabil hvers stjórnarmanns er tvö ár. Formaður skal kjörinn sérstaklega beinni kosningu á aðalfundi.

Kjörtímabil stjórnarinnar er tvö á. Annað árið skal kjósa tvo fulltrúa kennara og einn fulltrúa foreldra, hitt árið skal kjósa tvo fulltrúa kennara og tvo fulltrúa foreldra.

Stjórnin skiptir sjálf með sér verkum varaformanns, ritara, gjaldkera og meðstjórnanda. Ef stjórnarmaður forfallast skal varamaður koma inn í stjórn í hans stað.

Stjórn er heimilt að ráða framkvæmdastjóra til að annast daglegan rekstur sambandsins. Kjósa skal tvo skoðunarmenn á aðalfundi sambandsins.

Reikningsár sambandsins er 1. september til 31. ágúst.

6. grein

Aðalfundur fer með æðsta vald í málefnum félagsins. Til hans skal boðað bréflega eða á annan sambærilegan hátt með a.m.k. tveggja vikna fyrirvara. Aðalfundur telst lögmætur sé rétt til hans boðað. Rétt til setu á aðalfundi eiga allir sem skráðir eru í félagið og fylgir hverju árgjaldi eitt atkvæði. Vægi atkvæða skiptist jafnt á milli Suzukikennara (félagsmanna í flokkum i-iii) annars vegar og annarra félagsmanna (flokkur iiii) hins vegar þannig að atkvæði hvors hóps um sig vega 50%. Séu Suzukikennarar færri en fimm á fundinum eða aðrir félagsmenn færri en Suzukikennarar sem mættir eru skal hver fundarmaður hafa eitt atkvæði og einfaldur meirihluti atkvæða ráða úrslitum mála.

Dagskrá aðalfundar skal vera sem hér segir:
1. Kosning fundarstjóra.
2. Kosning fundarritara.
3. Skýrsla formanns.
4. Skýrsla gjaldkera.
5. Lagabreytingar.
6. Kosning formanns og stjórnar.
7. Kosning skoðunarmanna.
8. Önnur mál.

Tillögum að lagabreytingum ber að skila til stjórnar í síðasta lagi viku fyrir aðalfund og skulu þær liggja frammi félagsmönnum til sýnis.

Ekki er hægt að ganga í félagið sama dag og aðalfundur er haldinn.

7. grein

Félagsgjald Íslenska Suzukisambandsins skal ákvarðast af aðalfundi og innheimtast af stjórn.

8. grein

Sambandið skal gefa út fréttabréf um Suzukistarfsemi. Skal stjórn þess tilnefna ritstjóra og ábyrgðarmann

9. grein

Íslenska Suzukisambandið skal eiga aðild að ESA. Fulltrúi þess í stjórn ESA skal vera úr hópi Suzukikennara með full kennsluréttindi ef þess er kostur en annars úr hópi Suzukikennara með kennsluréttindi á millistigi.

10. grein

Lög þessi öðlast gildi með áorðnum breytingum þegar aðalfundur hefur samþykkt þau með einföldum meirihluta.

Íslenska Suzukisambandið ● Pósthólf 5453, 125 Reykjavík ● Email: suzukisamband@gmail.com